Rowa Ash, a Musigruppn de wo z`Weilheim dahoam is. De fünf oidn Deppn genga aba ned in Rentn sondan ziagn gradwegs auf de Bühna im Oberland. Außer a paar oidn Schinken vom Clapton, am Hendrix oda CCR, gfoins aba vor oim mit eanare eigena Stickl.

Kraftvoie Akkordfoign auf da Gitarrn, fetzige Trommewirbeln, freche boarische Texte und des Ois mit am riesn Spaß am Spuin, des is Rowa Ash.

An Grundstock für de bearige Musi, buidn da Klotz Harti am Bass und da Schnitzler Woiter an de Trommen. Damit des Ois dann a nach Rowa Ash klingt brauchts no an Suttner Robert mit da Gitarrn und an Kruse Sven zum Singa. Zammahebn und abrundn duad de Musi da Kaps Christian am Klavier.

Cocaine LIVE im Trödler Habach 2011